Wednesday, July 25, 2007

Шавьтай боловоо би

Линукс систем хэдэн жил оролдсоных би гэж хүн анхан шатнаас арай дээр болоо юм биз. Саяханаас 2 ч шавьтай болж байна гэж, ө.х. Монголын Линукс сисадминуудад 2 хүнийг "уруу татаж" байгаам байхаа...

Эхнийх нь манай найзын найз охин, Цоомоо гээд.
Дараах нь манай дүү болох Гамбаа гээд.

Тэгээд нөгөө хоёр маань Debian Etch desktop суулгаж аваад л видео яаж үзэх, нэмэлт фонт яаж суулгах, мессенжерт орох, дотоод сүлжээний shared folder руу хандах, LAMP сервер яаж суулгах, коммандууд гэж юу, файл систем бүтэц, процессууд, device driver-ууд, CD яаж шарах гээд л бойтоглож өгт байнаа хэхэхэ.. Дандаа мангар easy юм асуух нь хэцүү ч юм шиг... Аль болох өөрсдөөр нь учрыг нь олуулах гээд суулгахаар хэлээд өгчихгүй гээд тунирхах янзтай :(

Гэхдээ би өөрийнхөө анх яаж Линукс сурч байснаа бодоод инээд хүрэв. Анх ИнженерСофт компанид 3-р курсээ төгсч орсон хойноо RedHat 7.0 Windows 2k -ыг хамт суулгах гэж, LAMP -г source compile хийх гэж мунгинаж байсан минь санаанд ороод... Тэгэхэд архаг админ байсан Мэндээ гээд хайк рок залуугаас завсаргүй л асуудаг байж дээ. MySQL PostgreSQL 2 юугаар ялгаатай, яг аль Linux Distro сайн бэ, Exploit Patch гэж юу вэ, системийг яаж хайкдах вэ гээд л дуусахгүй л дээ. ( Тэр үед wikipedia.org байсан бол надад шууд url-ыг нь өгөх байсан байх :D )

Тэгээд хараад байхад Windows систем цэвэр энгийн хүмүүст зориулагдсан нь илт мэдрэгдэх юм даа. Ямар ч асуудал хүндрэл байхгүй (вирусыг эс тооцвол) . Харин цаашид IT чиглэлээр явах хүнд бол тэр дундаа интернэт чиглэлээр ажиллах хүнд систем болон элдэв технологиудын талаар мэдлэг өгдөг учраас Линукс системийг ашиглаж байх нь зөв гээд нэг шалтгааныг гаргаад ирчихлээ гэж :)

Шинэ юм дандаа хялбар байдаггүй, шинэ юм сурахад дандаа хүндрэл гардаг. Үй түмэн мэдэхгүй, чадахгүй зүйл дундаас хүн өөрийгөө нээн олж чаддаг. Их хөдөлмөрлөж байж олж авсан мэдлэг туршлага ч өөрт хурдан өөриймсөж, мартагдах нь ч удаан байдаг.

Тэгэхээр шантарч болохгүй шүү залуусаа, шинэ танилцаж буй орчин системтэйгээ хурдан зохицож дасаарай. Нэг л өдөр харин энэ систем энэ орчингүйгээр амьдрал харин утгагүй санагдах өдөр ирэх вий гэж айж байна :)


цааш унших...

Spam гэж үнэн ядаргаа

ICT блог дээрээ ойрд юм бичээгүй нилээд удчихжээ... Монголд зуны дэлгэр цаг ирээд хүмүүс ч албан газрууд ч амарч, зугаалах ихдээд байгаа болохоор ч тэр байх даа.

Өндөөдөр манай компаниас WebHost үйлчилгээ авдаг нэг газрын мэйл нь ажиллахгүй байна гэсэний дагуу сервер рүү ортол бөөн спам ирээд бөглөчихөжээ хөөрхий... Угаасаа мэйл сервертэй ажиллах үнэн дургүйг ч хэлэх үү... Postfix MTA дээрээ rt blacklist үүсгээд, DomainKeys тохируулах гэж хэсэг оролдоод арай л барсангүй ээ.. Маргааш дахиад л үзэхээс... Уул нь хийгээд дуусгачихвал спам багасаж, Yahoo Gmail эдэр руу явуулсан мэйлүүд Bulk, Spam folder руу орохгүй амар л юм даа.

Болохгүй байгаа нь минийх VHCS2 гээд opensource/free control panel суулгаж, MTA -гаа тааруулж тохируулсанд байх шиг байна.

Дээрх Mailserver hardening хийх талаар эхлээд Баянаагын бичсэнг уншчихвал зүгээр шүү.

Дараа нь минийхтэй адил Postfix MTA сервертэй хүмүүст дараах линкүүд хэрэг болох байх...

Setup Realtime Black List on your MTA

Postfix MTA Spam control configuration

Setup Postfix MTA with DomainKey support

Хараад байхад веб хостинг үйлчилгээ үзүүлдэг компаниуд cPanel, Ensim эдрийг л ашигладаг юм шиг.
Яахав жижиг дунд байгууллагуудад, эсвэл дотроо олон вебтэй томхон шиг газрууд эдэрт VHCS2 мэт үнэгүй боловч функциональ сайтай control panel дажгүй байх ... Гэхдээ би урьд нь Ensim Pro -г ашиглаж байхад ч sendmail MTA нь бас л спамд бөмбөгдүүлдэг л байсан доо :D


цааш унших...

blogger templates | Make Money Online