Friday, December 22, 2006

How to make Film strip

Саяхан нэг төслийн хэсэгт ийм функциональ бүхий нэгэн жижигхэн скрифт бичснээсээ та бүхэнд сонирхуулж байна.
Зорилго нь өгөгдсөн видео файлаас өгөгдсөн тооны фрэймүүдийг зураг болгон салгаад уг салангид зургуудыг нийлүүлж нэг зургийн файл болгох. Өөрөөр хэлбэл дээр үеийн киноны плёнк шиг буюу дараах зураг шиг:


Өгөгдсөн файл: softboy.avi
Өгөгдсөн фрэймын тоо: 5
Гаралтын файл: softboy.avi.png

1. Фрэймүүдийг задлах
mplayer -ss 1 -frames 4 -vo png softboy.avi

Үүний дараа 00000001.png 00000002.png 00000003.png 00000004.png 00000005.png гэсэн зургийн файлууд үүснэ.

2. Салангид фрэйм зургуудийг нэгтгэх
convert -resize 200x100 -border 10x4 -bordercolor black 0000000*.png +append softboy.avi.png

Ингээд л болчихлоо. Үүнд mplayer, imagemagick гэсэн хоёр хэрэгслийг ашиглаж байгаа ба үүнийг системдээ суулгахдаа

RH, FC системүүдэд өмнөх бичлэгийн адил:
up2date -i mplayer imagemagick

Debian, Ubuntu системүүдэд:
apt-get install mplayer imagemagick


цааш унших...

RHEL's up2date Yum Repository

Блог дээрээ бичлэг хийлгүй их удчихажээ. RedHat Enterprise Linux ашигладаг админууд маань стандарт RedHat Network-ын (up2date) package channel-уудад байдаггүй өөр програм, package-уудыг хэрхэн суулгах вэ гэсэн асуулт их тавьдаг. Надад өөрт маань ч mplayer, ffmpeg, mencoder гэх мэт зөндөө л нэмэлт хэрэгсэлүүдийг ашиглах шаардлага гардаг.

Үүнд up2date хэрэгсэлд Yum буюу (Yellow dog Updater Modified) гээд rpm software updater, installer хэрэгсэл (tool)-ийн repository-г ашиглах нь дажгүй сонголт.

Өөрөөр хэлбэл стандарт програмуудыг RHN-оос суулгаад, энд байдаггүй нэмэлт зүйлсийг Yum-ын сангаас суулгая:

1. /etc/sysconfig/rhn/sources файлд дараах мөрүүдээс өөрийн системд хамаарах хэсгийг нэмнэ:

### Dag RPM Repository for Fedora Core
yum dag http://apt.sw.be/fedora/3/en/$ARCH/dag ## FC3-г ашиглаж буй бол
yum dag http://apt.sw.be/fedora/2/en/$ARCH/dag ## FC2-г ашиглаж буй бол
yum dag http://apt.sw.be/fedora/1/en/$ARCH/dag ## FC1-г ашиглаж буй бол

### Dag RPM Repository for Red Hat Enterprise Linux
yum dag http://apt.sw.be/redhat/el4/en/$ARCH/dag ## RHEL4-г ашиглаж буй бол
yum dag http://apt.sw.be/redhat/el3/en/$ARCH/dag ## RHEL3-г ашиглаж буй бол

2. Үүний дараа системээ шинэчилнэ:
up2date -u

3. Шинээр програм суулгахдаа:
up2date -i mplayer ffmpeg mencoder

гэх мэт

Мөн RedHat, Fedora систем дээр Debian системийн Apt (updater, installer) хэрэгслийг ашиглах боломжтой. Дэлгэрэнгүйг энэ линкээс уншаарай.


цааш унших...

Tuesday, December 12, 2006

Cluster Computing

Кластерийн тухай
Кластер нь суперкомпьютерийн технологид хамаарах ойлголт бөгөөд маш их хэмжээний тооцоололт, бодолт гэх мэт нүсэр ажиллагаанд зэрэгцээ байдлаар компьютеруудийг холбож, бодолтыг хуваан авч нэгэн зэрэг гүйцэтгэснээр ажиллагааны хугацаа, бүтээмжийг ихээр дээшлүүлэх аргачлал юм. Тухайн бодлого нь зэрэгцээ хэлбэрээр хуваагдах боломжтой үед уг аргачлалыг хэрэглэнэ. Хэрэглээний жишээ гэвэл: нууц үгийг тайлахад бүх боломжуудыг шалгах аргыг олон хуваах, анимацын рендер хийх үед видео фрэймүүдийг хэсэгчлэн хуваан гүйцэтгэх гэх мэт...

Монгол дахь хэрэглээний тухай

Энэ намрын SysAdmin Summit 2006 дээр манай анхны алтан хараацайнуудын нэг болох Монголын Үндэсний Статистикийн ахтай Линукс системээр супер компьютер хэрхэн хийх, мөн монголд юунд ашиглах талаар хэсэг ярилцаад авсан юм. Тэр ах ярихдаа өмнө нь Windows системээр гурван мөчиртэй (processor/cluster node) кластер хийсэн үүгээр өмнө нь нилээд хэдэн цаг болж байж гаргадаг тооцололтын ажиллагааг хэдхэн минут болгож хурдасгасан гэж байлаа. Уг систем нь зарим нэг зүйлийг хийхэд болж байгаа ч өөр бусад тооцололтыг хийхэд боломжгүй байгаа учраас Линукс кластерийг сонирхож байлаа. Жишээ нь Компьютерийн 3D буюу 3н хэмжээст график, хөдөлгөөнт дүрс, эффектийг хийх. Мөн зарим статистик мэдээлэлийг тооцлоход гадны төвүүдэд захиалга өгдөг ба үүний төлбөрт нилээд хэдэн мянган доллар алддагийг болиулах гэх мэт ажиллагаанд хэрэглэмээр байна гэв.
Бид хэдийгээр гадны томоохон төвүүдэд ийм хүчирхэг кластерууд ашигладагыг мэдэж байсан ч хараахан монголд маань хэрэглээ бий болоогүй гэж бодож байсан нь буруу байж гэдгээ тэгэхэд дахин нэг бодоход хүргэж билээ.

Бидэнд хамааралгүй зүйл эргээд бидэнтэй хэрхэн хамааралтай болох вэ?
Дараахан нь Эрдэнэт, Дархан руу ажилаар явж байлаа. Замд таарах тариалангийн том том талбайнууд, ургацаа хурааж байгаа ажиллагаа зэргийг хараад үнэхээр сэтгэл хөдөлж, эргээд өмнөх кластер системийн ач тусыг ойлгох шиг болсон шүү.
Тайлбарлавал, уг кластерийг хийхэд нэг их зардал шаардагдахгүй боловч ач тус нь их юм. Жишээ нь, Одоо байгаа манай цаг агаарын урьдчилсан мэдээ нь ирэх долоо хоногийн тоймыг 21 аймаг болон Замын-Үүд, Чойр, Ханбогд гэсэн хэдэн төв суурингуудаар гаргадаг бөгөөд бусад газруудын талаар "баруун зүгийн нутгаар", "төвийн нутгаар" гэж бүрхэг хэлэхээс биш яг тэр аймгийн тэр сум гэх мэт гаргадаггүй байна. Өнгөц бодоод үзэхэд өнөөдөр бороо орох уу орохгүй юу, өдрийн дулаан хэд орчим байх зэрэг нь бидэнд нэг их онц чухал биш санагдана. Гэвч байдал тийм биш. Манайх шиг байгалын эрхшээлд байдаг мал аж ахуй, газар тариалан зэрэг салбартай улсад нарийвчилсан, үнэнд ойрхон цаг агаарын мэдээ амин чухал хэрэгтэй юм. Жоохон хийсвэрлээд үзье:
Кластер компьютергүй учраас энэ олон суурин, төвүүдийн мэдээллийг хурдан боловсруулж, цаг агаарын урьдчилсан мэдээ гаргаж амжихгүй. Мэдээ сумдаар нарийн гарахгүй учраас мөндөр орчихлоо гэхэд яах вэ, хурааж амжаагүй байсан тариа "ёстой будаа". Үүнээс улбаалаад будаа, гурилны үнэ "тэнгэрт гарна". За ингээд бодоод үзэхээр цаг агаарын мэдээний үнэ цэнэ, түүний үнэн болоод хүртээмжтэй, хурдан байдал нь харагдаж байгаа биз.

Өөр жоохон хошин жишээ авбал: Томоохон хотод ойрд бороо шороотой байна гэсэн цаг агаарын урьдчилсан мэдээ гарлаа. Би жишээ нь худалдаачин байг. Тэгвэл өөрт байгаа хамаг цув, борооны шүхэрээ гаргаад борлуулна биз дээ.

За тэгэхээр цаг уурын судалгааны төвийг супер компьютер буюу кластер системээр хангаж, тэдгээрийн тооцолол хийх программчлалын асуудлыг шийдчихэд нилээд өөр дүр зураг гарна даа.

Links
Weather & Ecosystem Modeling
The Earth Simulation
Computer Cluster

Build a digital animation system
IBM -ын сайт дээр дижитал анимэшний студийн графикийн боловсруулалт (render) хийх кластер системийн талаар нийтлэгдсэний линкийг энд тавилаа. Өөрөөр хэлбэл бидний шимтэн үздэг Шрек, Мангасуудын компани, Немогийн эрэлд зэрэг 3 хэмжээст хүүхэлдэйн киног бүтээхэд өнөөх л Линукс кластерууд маань хүчин зүтгэж байгаа хэрэг юм.
Part 1
Part 2
Part 3
Part 4
Part 5

Энэ сэдвийг цааш үргэжлүүлэх болно.


цааш унших...

blogger templates | Make Money Online