Өнөөдөр хүний P4 laptop дээр бөөн вирус болсон XP Pro -тэй Dual Boot-ээр Ubuntu суулгах хэрэг гарлаа. :) Гэтэл DVD Rom нь зөвхөн DVD уншдаг, CD уншдаггүй юм байна. За тэгээд инсталл iso шарчих DVD байсангүй, usb флэйшээс бүүт хийхгүй, floppy drive ч байхгүй тул интернэтээс инсталлдахаар шийдэв.
Суулгах ерөнхий зарчим нь XP SP2 дээр нь grub for Dos суулгаад сүлжээгээр суулгах зориулалттай initrd.gz, linux цөм татаж авч суулгаад бүүт хийнэ. Интернэт холболт хурдан бол нэг их асуудалгүй суучихна.
1. Partition resize
ntfs төрлийн C, D гэж хоёр тасалгаа/partition -тай нэг л ATA хатуу диск байна. 50Gb хэмжээтэй D тасалгааны хэмжээг Acronis Disk Director 10 програм ашиглаж 7Gb сул зай үүсгэв. Энэ нь Үбүнтү суулгах явцад хүний хэрэгтэй өгөгдөлийг андуурч, эндүүрээд устгачихгүй гэсэн ихээхэн болгоомжлол л доо. Түүнээс Үбүнтү суулгацын явцад дискны тасалгааны хэмжээг өөрчилж болно.
2. Install initrd.gz, linux
C:\boot гэсэн хавтас үүсгэнэ. initrd.gz, linux гэсэн 2 файлыг http://archive.ubuntu.com/ubuntu/dists/gutsy/main/installer-i386/current/images/netboot/ubuntu-installer/i386/
юм уу
http://mn.archive.ubuntu.com/ubuntu/dists/intrepid/main/installer-i386/current/images/netboot/ubuntu-installer/i386/
хаягаас татаж авч өмнө үүсгэсэн C:\boot хавтас дотор хуулна.
3. Install Grub for Dos
http://sarovar.org/download.php/672/grub_for_dos-0.4.1pre22.tar.gz
хаяг дээрээс татаж аваад D:\ дээр хадгалав. Уг архив дотроос grldr файлыг C:\ руу задгай хуулна. Өмнөх C:\boot хавтас дотор дахиад grub гэсэн хавтас үүсгэнэ. grub_for_doc-xxx.tar.gz гэсэн татаж авсан архив дотроос menu.lst файлыг C:\boot\grub хавтас дотор задлана.
C:\boot.ini файлыг notepad-ээр нээгээд c:\grldr="Install Ubuntu" гэсэн мөрийг хамгийн доор нь нэмж бичээд хадгална.
C:\boot\grub\menu.lst файлыг мөн notepad -ээр нээгээ
title Install Ubuntu over Networkгэсэн мөрийг хамгийн эхэнд нэмж өгнө.
kernel (hd0,0)/boot/linux vga=normal ramdisk_size=14972 root=/dev/rd/0 rw --
initrd (hd0,0)/boot/initrd.gz
Ингээд одоо Цонх системээ дахин ачаалахад бүүт цэс дотор Install Ubuntu гэсэн сонголт харагдана, сонгоод дарангуут grub ачаалагдах ба хамгийн эхэнд Install Ubuntu over Network гэсэн сонголт харагдана. Ингээд цаашаа тект горимд Үбүнтүг суулгах явц харагдана. Суулгах явц нь таны интернэт хурдаас хамаарна. 512Кб холболтой минийх лав 2 цаг орчим болоод сууж дуусаж байна лээ.
Ашигласан материал:
https://help.ubuntu.com/community/Installation/FromWindows
https://help.ubuntu.com/community/Installation/SystemRequirements
Бичлэг таалагдсан бол сурталчилгаан дээр +1 дарж тус хүргээрэй ;)
6 Comments:
sain bna u!minii notebook windows uildliin systemtei..ubuntu-g davhar suulgaj 2 uildliin systemtei bolchih sanaatai suulgah gesen boldoggui..hard-aa huvaagad 20 gb hooson disk beldeed ubuntuugee suulgah gesen boldogguie manual-r orood tohirgoo hiij chadahgui bna yaj suulgah ve ene talaar joohon heleed ugch tus bolooch...bayarlalaa
Чиний лэптоп чинь CD/DVD -ээс boot хийдэг бол mn.releases.ubuntu.com хаягаас i386 архитектурын Ubuntu-8.10 iso image файлыг татаж аваад Nero Burning Rom ашиглаж хоосон CD руу шараад live -ээр эхлүүлчихээд суулгачихаж болно шүү дээ.
https://help.ubuntu.com/community/Installation
http://www.youtube.com/watch?v=ThtSFMoEdjY
хуудсуудаас харна уу
iso файлаа татаж аваад daemon гээд програмаар wubi ашиглан суулгаж болно шүү дээ. Гоё бичсэн байна. бас маш хэрэгтэй эд байна шүү. Tnq
надад одоо энэ асуудал тулгарчаад зовоож байна аа. таны бичсэн зааврын дагуу хийлээ. асахдаа install ubuntu гэж гарч байна. дархаар Res хийгээд болохгүй юм. install over network гэж гарахгүй байна л даа. нэг аргалж байгаад суулгачмаар байна. help
kernel (hd0,0)/boot/linux vga=normal ramdisk_size=14972 root=/dev/rd/0 rw --
initrd (hd0,0)/boot/initrd.gz
гэсэн мөрний (hd0,0) гэдгээ сайн анхаарна уу. Миний энэ жишээ нь дээр бол hd0,0 гэдэг нь IDE Primary Master hard disk-ны хамгийн эхний partition байгаа. SATA диск дээр (sda0,0) гэж бичигдэх болов уу. help-ээс уг тохиргооны талаар хараарай
Naizaa USB Flash diskees boot hiideg bolson baina lee shuu.
Post a Comment